Barcelona është duke ëndërruar transferimin e Interit, Lautaro Martinez dhe janë të përgatitur për të paguar klauzolën e tij.

Sipas AS, Barcelona nuk ka hequr dorë nga 22-vjeçari, i cili ka kontratë me “Neurazurët” deri në vitin 2023, transmeton portali arbresh.info.

Klubi katalunas beson që argjentinasi është zëvendësimi adekuat i Luis Suarez, i cili do jetë jashtë fushe për katër muajt e ardhshëm.

Barcelona është e përgatitur të paguajë klauzolën e tij këtë muaj, klauzolë e cila prek shifrën prej 111 milionë euro.

Por, Inter është duke përgatitur kontratë të re për Martinez, kontratë e cila do ta ngritë edhe më shumë klauzolën e këtij të fundit.

Lautaro këtë sezon ka shënuar 15 gola dhe ka kontribuar me tri asistime në 24 paraqitje këtë sezon./arbresh.info.