Barcelona ka shënuar fitore me përmbysje ndaj Real Sociedadit në kuadër të xhiros së shtatë në La Liga. Të drejtuarit e Hansi Flick triumfuan me rezultat 2-1.

Real Sociedadi realizoi fillimisht në minutën e 31-të me golin e Alvaro Odriozolas, shkruan Arbresh.info.

Dy minuta para fundit të pjesës së parë, Barcelona barazoi rezultatin me golin e Koundes, pas një asistimi nga Marcus Rashford.

Ndërkohë për epërsinë e Barcelonës, shënoi Robert Lewandowski pas një asistimi nga Lamine Yamal.

Sociedadi pati disa mundësi të mira, pasi pranoi golin e dytë por Kubo u ndal dy herë nga shtylla.

Edhe, Barcelona pati një mundësi të mirë me Lewandowskin, mirëpo gjuajtja e polakut u ndal nga shtylla.

Deri në fund gola tjerë nuk pati, dhe Barcelona mori fitoren e radhës në La Liga e cila i bën lider me 19 pikë, një më shumë se Real Madridi.

Kurse Real Sociedadi është në pozitën e 17-të me pesë sosh.

Takimin e radhës, Barcelona e luan në udhëtim tek Sevilla, ndërsa Sociedadi përballet me Rayo Vallecanon./Arbresh.info