Sipas Mundo Deportivo, Barcelona dëshiron të transferojë sulmuesin e PSG-së, Neymar në “Camp Nou” në fund të sezonit.

Barcelona dëshiron ribashkimin me kapitenin e Brazilit, i cili shpesh ka qenë i lënduar te PSG, transmeton portali arbresh.info.

27-vjeçari ishte i lidhur me rikthimin në La Liga gjatë afatit veror, mirëpo një gjë e tillë dështoi për shkak të çmimit të lartë.

Neymar është duke kaluar shkëlqyeshëm me “Parisienët” pasi ka shënuar katër gola dhe ka bërë katër asistime në katër ndeshjet e fundit në Ligue 1.

Kampioni i Spanjës, shpreson ta transferojë këtë të fundit për 180 milionë euro.

Ata besojnë që disa para do t’i fitojnë nga shitja e Philippe Coutinho te Bayern Munich, i cili ka shënuar gjashtë gola dhe ka bërë pesë asistime në Bundesligë.

Për momentin Barcelona është lider në kampionatin spanjoll, dy pikë më shumë se rivali i përjetshëm Real Madrid./arbresh.info.