Ad Banner
Ad Banner
Ad Banner
Ad Banner

Barcelona bën detyrën dhe kalon tutje në Kupën e Mbretit

23:52 | 16 Dhjetor 2025
E.G

Barcelona ka avancuar tutje në Kupën e Mbretit pas fitores me rezultat 2-0 në udhëtim ndaj Guadalajaras.

Blaugranasit pavarësisht se ishin në kontroll të plotë të këtij takimi ashtu siç pritej qysh nga minuta e parë, ata nuk ia dolën që të realizojnë në pjesën e parë.

Vendasit ishin tejet të motivuar dhe të koncentruar në lojë, duke mos lejuar hapësira në fazën defanzive.

Sidoqoftë, ata nuk arritën të rezistojnë në pjesën e dytë, me Barcelonën që realizoi dy herë për të siguruar kualifikimin.

Rezultati i ndeshjes u zhbllokua në minutën e 77-të kur Andreas Christensen realizoi me kokë për 1-0.

Për epilogun përfundimtar të takimit u përkujdes Marcus Rashford, i cili realizoi për 2-0 në minutën e 90-të pas asistimit nga Lamine Yamal.

Pas këtij triumfi Barcelona do të fokusohet në kampionat, ku i pret një udhëtim i vështirë te Villarreali./Telegrafi/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm