Robert Lewandowski me shumë gjasë do të largohet nga Barcelona në fund të këtij sezoni.

Drejtuesit e klubit katalanas prej kohësh kanë nisur nga puna për të gjetur një zëvendësues të denjë për polakun.

Edhe pse është përmendur shumë emri i Julian Alvarez, transferimi i argjentinasit është thuajse i pamundur.

Atletico Madrid kërkon 150 milionë euro për të lënë të lirë, shifër që Barcelona nuk është në gjendje ta paguajë.

“Diario AS” raporton se drejtori sportiv i Barcelonës, Deco, po shyrton dy emra, transferimi i të cilëve është i përballueshëm.

Emri i parë i cili pëlqehet shumë nga Hansi Flick, është sulmuesi i Dortmundit, Serhou Guirassy, i cili ka një klauzolë largimi 65 milionë euro.

Emri i dytë, i cili ka një kosto mëse të përballueshme nga Barcelona, është sulmuesi i Levante, Karl Etta Eyong, i cili ka shënuar gjashtë gola dhe ka dhënë tri asistime deri tani në La Liga. Kartoni i tij vlen rreth 20 milionë euro.