Ad Banner
Ad Banner
Ad Banner
Ad Banner

Barça humb pikë edhe ndaj Osasunas

18:54 | 31 Gusht 2019
Arbresh Info

Barcelona ka humbur pikë në El Sadar pasditen e sotme (e shtunë) kundër Osasunas.

Kampioni i Spanjës barazoi me rezultat 2 me 2 në ndeshjen e xhiros së tretë si mysafirë kundër skuadrës së promovuar këtë në La Liga, shkruan portali arbresh.info.

Nikoqirët realizuan golin e epërsisë me anë të mesfushorit Roberto Torres pas vetëm shtatë minutave lojë, por shifrat u barazuan nga skuadra e Ernesto Valverdes qysh në fillim të pjesës së dytë.

Talenti 16-vjeçar Ansu Fati shënoi me kokë për 1 me 1 menjëherë pas inkuadrimit në fushë para se Arthur Melo të përmbyste rezultatin për 1 me 2 në minutën e 64′.

Sidoqoftë, Osasuna siguroi një goditje nga pika e bardhë në minutën e 80′ dhe Torres u tregua i saktë duke barazuar gjithçka.

Barcelona tani gjendet në pozitën e pestë në tabelë me katër pikë, një më pak se Osasuna në pozitën e katërt./arbresh.info/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm