Sipas raporteve në Spanjë, zyrtarët e Atletico Madridit janë të frustruar me performancat e sulmuesit Antonio Griezmann në klub.

26-vjeçari nënshkroi marrëveshje të re te ‘Los Rojiblancos’ gjatë verës duke rritur dukshëm pagën e tij si dhe duke dyfishuar përkohësisht klauzolën e tij nga 100 milionë euro në 200 milionë, transmeton portali arbresh.info.

Megjithatë, klauzola e sulmuesit francez do të reduktohet sërish gjatë merkatos së verës së ardhshme dhe thuhet se futbollisti është duke ngjallur interesim nga Manchester United, Bayern Munichu dhe Barcelona.

‘Diario AS’ raporton që zyrtarët në Atletico janë të irrituar me nivelin e performnacave të sulmuesit këtë sezon pas vetëm dy golave brenda nëntë ndeshjeve në La Liga.

Diego Costa do të arrijë në janar së bashku me anësorin Vitolo, gjë e cila do të rris opsionet e tyre në sulm.

Megjithatë, besohet se lojtari do të largohet para fundit të sezonit ndonëse raporti sugjeron që për shkak të financave të klubit ata janë të hapur të shesin atë më vonë./arbresh.info/