Atalanta ka shënuar fitore ndaj Napolit si mysafir me rezultat 3-0, në derbin e javës së 12-të të Serie A.

Ndeshja nisi më mirë për mysafirët që arritën të shënon që në rastin e parë.

Ademola Lookman përfitoi nga një tollovi në zonë dhe më një gjuajtje të fortë shënoi për 1-0.

Scott McTominay tentoi ta kthejë në lojë Napolin me një gjuajtje të fortë nga distanca, por shtylla ndali festën e tij për gol.

Në minutën e 31-të, Lookman sërish doli në skenë, kësaj radhe me një gjuajtje nga distanca shënoi për 2-0.

Me të filluar pjesa e dytë, Amir Rrahmani ishte afër golit, por që gjuajtja e tij nuk gjeti rrjetën.

Deri në fund të dy skuadrat tentuan golin, por në kohën shtesë ishte Mateo Retegui që gjeti rrjetën për 3-0.

Napoli mbetet lider edhe përkundër humbjes me 25 pikë, ndërsa tani Atalanta është e dyta me 22 pikë. /Telegrafi/