Marco Asensio është duke kërcënuar Real Madridin me largim nga klubi nëse këta të fundit nuk rrisin pagën e tij.

Talenti i ri në sulm është duke u monitoruar nga një numër i madh klubesh, përfshirë gjigantët në Premierë Ligë si Arsenali, Liverpooli dhe Manchester City, derisa dhe Juventusi thuhet se ka shfaqur gjithashtu interesim, transmeton portali arbresh.info.

21-vjeçari është shfaqur më shpesh në fushë në gjashtë javët e fundit. Ai ka shënuar një gol si zëvendësues ndaj Bayern Munichut në UEFA Ligë të Kampionëve dhe ka zëvendësuar sulmuesin Gareth Bale në ‘El Clasico’.

Asensio ka qenë gjithashtu startues në fitoren tronditëse 6 me 2 ndaj Deportivos mbrëmjen e kaluar. Ai ka qenë brenda dhe jashtë skuadrës kohë pas kohe, por ka arritur të shfaq aftësitë e tij gjatë ndeshjeve të mëdha.

Kjo është edhe arsyeja pse futbollisti i ri në moshë beson se duhet të vlerësohet edhe sa i përket pagës.

Asensio ka paralajmëruar klubin se do të largohet nëse nuk paguhet për atë që vlen.

Sipas gazetës së përditshme spanjolle ‘Don Balon’, ai është i gatshëm të shfrytëzoj interesimin e shfaqur në të për të rritur pagën.

Real Madridi pritet të pësojë ndryshime të mëdha gjatë verës pasi presidenti Florentino Perez ka humbur durimin te një numër i madh yjesh në klub, madje edhe tek trajneri Zinedine Zidane./arbresh.info