Arsenal-i ka arkëtuar tri pikë në shtëpi duke mposhtur Sheffield United-in me rezultat të ngushtë 2 – 1.

Skuadra e Mikel Arteta-s zhvilloi ndeshje të bukur, duke dominuar tërë ndeshjen, shkruan portali arbresh.info.

Pavarësisht rasteve të shumta në pjesën e parë, asnjëra nga skuadrat nuk arriti të realizojë gol, kurse të tri golat u shënuan në 45-minutëshin e dytë.

Pas një harkimi të bukur nga Bellerin, Saka shënoi me kokë duke i zhbllokuar shifrat (61′).

Pas vetëm tre minutave ishte Nicolas Pepe që dyfishoi golat duke shënuar gol shumë të bukur në kornerin e portës.

Kurse, golin e nderit për mysafirët e shënoi McGoldrick në minutën e 83-të, rezultat me të cilin përfundoi ndeshja.

Pas kësaj fitore, Arsenal-i renditët në pozitën e katër me nëntë pikë, derisa Sheffield United-i qëndron në fund me zero pikë./arbresh.info.

https://twitter.com/jordyxcollins/status/1312766307394297856

https://twitter.com/LiveMatch_HD_/status/1312766621316939778

https://twitter.com/YoungQu74385453/status/1312763844549398528