Përfaqësuesja e Kosovës ka mbajtur stërvitjen e radhës para udhëtimit për në Armeni.

Dardanët do t’i zhvillojnë dy ndeshje miqësore në muajin mars, ku takohen me Armeninë më 22 mars dhe katër ditë më vonë me Hungarinë në Budapest.

Qendërmbrojtësi Fidan Aliti ka folur për përgatitjet duke thënë se fillimisht po mësohen me punën e trajnerit Franco Foda.

“Shpresojmë që t’ia nisim me rezultate pozitive dhe ndeshja në qershor na duhet të kuptojmë se si punon trajneri, por edhe ai e sheh se si punojnë futbollistët funksionojnë”.

“Besoj që do të kemi në të ardhmen suksese”, tha qendërmbrojtësi Fidan Aliti.

Tutje mbrojtësi qendror foli edhe për kundërshtarin e 26 marsit, Hungarinë duke vlerësuar lartë.

“Është një kombëtare me futbollistë shumë të mirë që kanë shkuar në Evropian. Është një ndeshje miqësore, por duam suksese”.

“Kemi punuar taktikisht, na ka treguar filozofinë e tij dhe qysh ka dëshirë të luaj dhe kjo është shumë e rëndësishme”, tha Aliti. /Telegrafi/