Mesfushori i Bayern Munichut, Thiago Alcantara është duke menduar rikthimin te ish klubi i tij – FC Barcelona.

Thiago është një produkt nga akademia e shquar ‘La Masia’, që ka prodhuar shumë talent të mëdhenj gjatë viteve, transmeton portali arbresh.info. Ai ishte gjithashtu njëri nga lojtarët më të rëndësishëm në skuadrën e Pep Guardiolas para se trajneri aktual i Manchester Cityt të largohej nga ‘Camp Nou’.

Në disfatën tronditëse që Bayerni ia shkaktoi Arsenalit me rezultat të përgjithshëm 10 me 2, Thiago ishte përzgjedhur lojtari i ndeshjes së parë në ‘Allianz Arena’ falë performancës së jashtëzakonshme. Forma e tij e mirë ka tërhequr madje vëmendjen edhe e ish klubeve të tij.

Bazuar në ‘Calciomercato’, Barcelona është e interesuar për të transferuar Thiagon sërish në La Liga. Ai mendohet se është duke konsideruar rikthimin sensacional dhe ribashkimin me vëllain e tij Rafinhan.

Sidoqoftë, mbetet të shihet nëse transferimi do të realizohet gjatë verës./arbresh.info