Trajneri i KB Trepçës, Adis Beçiragiç ka arritur një sukses të jashtëzakonshem këtë vit, sikurse me klubin mitrovicas ashtu edhe me kombëtaren e Bosnjës dhe Hercegovinës.

Gjithë këto suksese atij iu shpërblyen me çmimin ‘Trajneri më i mirë i vitit’ në Bosnje, shkruan Arbresh.info.

Lajmi është bërë i ditur nga vetë skuadra mitrovicase përmes një postimi në rrjetin social Facebook të klubit.

“Trajneri ynë, Adis Beçiragiç, është shpallur më i miri në Bosnje në konkurrencën absolute, si trajneri më i suksesshëm ndër të gjitha sportet!”

“Si klub, jemi jashtëzakonisht krenarë që kemi në krye një trajner të këtij niveli, një njeri që punon me zemër, jep maksimumin çdo ditë dhe e çon ekipin gjithmonë përpara. Kjo arritje flet vetë për punën dhe sukseset e tij!”, shkruhet në njoftimin e klubit.

Adisi ishte më meritorët për arritjen e jashtëzakonshme të Bosnjës në EuroBasket, ku kaluan një grup të vështirë me Greqinë, Italinë, Spanjën, Gjeorgjinë e Qipron.

Kombëtarja boshnjake u eliminua në fazën e 1/8 së finales në EuroBasket nga Polonia, derisa kjo arritje ishte një ndër më të mëdha në historinë e basketbollit bosnjak.

‘Maestro’ boshnjak, po vazhdon ta dominojë edhe basketbollin kosovar, ku me Trepçën ka arritur të fitoj të gjithë trofetë e mundshëm për dy vite radhazi./Arbresh.info