Presidenti i Federatës së Futbollit të Kosovës, Agim Ademi, sot ka qenë prezent në aktivitetin “FUN & FOOTBALL”, e organizuar nga KF Shkëndija, e cila është mbajtur në Kishnicë.

Ky aktivitet ka arritur t’i grumbullojë më shumë se 250 fëmijë të talentuar, transmeton arbresh.info.

Fëmijët kanë qenë nën mbikëqyrje e arsimtarëve të ed. Fizike dhe trajnerë të ndryshëm të futbollit.

Fëmijët siç shihet kanë kaluar një ditë të lumtur me sportin e tyre të zemrës.

Në lidhje me këtë aktivitet, presidenti i FFK-së, Agim Ademi me anë të një postimi në rrjet sociale, ka treguar se FFK-ja ka ndërmarrë iniciativën që t’i marrë nën menaxhim dhe shfrytëzim këto fusha nga miniera “Trepça” dhe t’i shndërrojë ato në Kamp Multietnik.

“Qëllimi i vizitës sime ishte të shoh gjendjen e fushave të futbollit në Kishnicë, pasi FFK e ka ndërmarrë iniciativën që t’i marrë nën menaxhim dhe shfrytëzim këto fusha nga miniera “Trepça” dhe t’i shndërrojë ato në Kamp Multietnik. Shpresoj që kërkesa jonë të hasë në mirëkuptimin e Bordit të Minierave dhe nga Komuna e Graçanicës, në mënyrë që së bashku të realizojmë një projekt të tillë tejet të rëndësishëm” shtoi Ademi në rrjetet sociale“ – ka shrkuar Ademi.

Më poshtë gjeni fotografi nga aktiviteti:

/arbresh.info/