Trajneri i Romës, Jose Mourinho, pati disa fjalë për njërin nga ish-lojtarët e tij tek Chelsea, bëhet fjalë për Pedron i cili aktivizohet në radhët e Lazios.

Mourinho e akuzoi atë për simulim gjatë derbit të Romës që u zhvillua të dielën.

Një ndeshje që përfundoi pa gola në “Stadio Olimpico”, por me shumë kartonë të verdhë, pasi gjqytari i ndehsjes kishte shpërndarë plotë tetë karton të verdhë në atë sfidë.

Pas ndeshjes, Mourinho e ktheu zemërimin e tij ndaj anësorit spanjoll Pedro, të cilin e kishte në menaxhim në sezonin e tij të fundit si trajner i Chelseat.

“Pedro është një lojtar fantastik, por ai mund të jetë edhe notar, sepse mënyra se si zhytet në pishinë është fantastike”, kishte thënë Mourinho pas ndeshjes në formë shakaje.

Barazimi i la të dyja palët jashtë ritmit në Serie A pas raundit të 12-të të luajtur. Roma është e shtata me 18 pikë, ndërsa Lazio është në vendin e dhjetë me 17 pikë.

Megjithatë, pavarësisht natyrës së ashpër të lojës, pati një dallim në ‘luftën e fjalëve’ midis Mourinhos dhe homologut të tij nga Lazio Mauricio Sarri, që tha: “Nuk më pëlqen të merrem me Mourinhon, personazhin mediatik, por Mourinho si person është i shkëlqyer”.

Pas përfundimit të pushimit me kombëtare Roma do të presë në shtëpi Udinesen ndërsa Lazio do të luajë në udhëtim ndaj Salernitanas./Telegrafi/