Drita ka arritur të kaloj raundin e parë kualifikues të Ligës së Kampionëve, duke hyrë në histori si skuadra e parë që e arrin këtë sukses. Tani gjilanasit do të përballen me gjigantët danezë të FC Copenhagen

Tashmë klubi gjilanas ka mësuar kundërshtarët e mundshëm në Ligën e Evropës nëse eliminohet nga Copenhagen, ndodhen në vazon e ekipeve favorite.

Në rast se Drita eliminohet nga Copenhagen, rrugëtimi evropian nuk përfundon. Ata do të zbresin në Ligën e Evropës, ku do të garojnë në “Champions Path” dhe janë pjesë e vazos së ekipeve favorite.

Kjo do të thotë se Drita do të përballet me një kundërshtar nga vazoja e jo-favoriteve, pra një ekip që ka koeficient më të ulët dhe që është eliminuar në raundin e dytë të Ligës së Kampionëve. Kjo rrit shanset për të kaluar edhe një raund tjetër.

Kundërshtarët e mundshëm të Dritës janë skuadrat që humbin nga këto përballje të raundit të dytë:

KuPS (Finlandë) – Kairat (Kazakistan)

Breiðablik (Islandë) – Lech Poznań (Poloni)

Noah (Armeni) – Ferencváros (Hungari)

Hamrun Spartans (Maltë) – Dynamo Kyiv (Ukrainë)

Shkëndija (RMV) – FCSB (Rumani)

Shelbourne (Irlandë) – Qarabağ (Azerbajxhan)

Kjo mund të jetë sezoni më i madh në histori për Dritën, me mundësi reale për t’u futur për herë të parë në një fazë grupore të një gare të UEFA-s.