Portieri i Chelseat, Kepa Arrizabalaga ka folur për vizitën e pronarit të Chelseat, Todd Boehly në dhomën e tyre të zhveshjes pas humbjes së fundit ndaj Brighton.

Amerikani u tha se i kishte kritikuar lojtarët dhe paraqitjen e tyre si të turpshme pasi ata humbën 2-1 ndaj Brighton të shtunën.

Kjo ishte humbja e tyre e 12-të e sezonit që i vendosi ata në vendin e 11-të në tabelën e Premier League.

Kepa u pyet për vizitën e shumëpërfolur të Boehly-t dhe reprezentuesi spanjoll nuk pranoi të hynte në ndonjë detaj rreth asaj që ndodhi.

“Todd vjen në dhomën e zhveshjes çdo ndeshje, kështu që ai ka biseda të ndryshme me ne pas ndeshjeve të ndryshme. Nuk do të them atë që tha, por është normale kur vjen në dhomën e zhveshjes”, tha Kepa në një konferencë shtypi përpara ndeshjes me Real Madrid.

Boehly vizitoi dhomën e zhveshjes pasi u përball me mbështetës të zemëruar gjatë humbjes./Arbresh.info/