Çmimi i naftës në Shqipëri  është ulur sërish këtë të premte, në mbledhjen e radhës të Bordit të Transparencës.

Nga 214 lekë/litri, nafta do të shitet për 211 lekë/litri duke nisur nga kjo pasdite.

Benzina ka po ashtu një ulje të çmimit, edhe pse me vetëm një lekë. Nga 195 lekë/litër, tashmë do të shitet për 194 lekë/litri.

Ndërsa çmimi i gazit mbetet i njëjti dhe do të vazhdojë të shitet në pikat e karburantit për 71 lekë/litri. Çmimi i gazoilit për peshkim është vendosur 118 lekë/litër.

Vendimi i Bordit të Transparencës:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 211 lekë/litri, ndërsa i shitjes me shumicë jo më shumë se 199 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 194 lekë/litri, ndërsa i shitjes me shumicë jo më shumë se 182 lekë/litër.

Çmimi i shitjes me pakicë i nënproduktit gaz, të jetë 71 lekë/litri me pakicë dhe i shitjes me shumicë 59 lekë/litër për automjetet. Çmimi i gazoilit për peshkim është vendosur 118 lekë/litër.

Çmimet e caktuara nga Bordi do të hynë në fuqi në datë 25 Nëntor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.

Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës./tch/