Një shqiptar 37-vjeçar është arrestuar në Dubrovnik me dyshimin për tentim vrasje dhe sjellje të pahijshme.

Hetimi nxori se nga korriku i vitit të kaluar deri në maj, i dyshuari e përndoqi një shtetase të Bosnje e Hercegovinës, 26 vjeçe, e cila jeton përkohësisht në Kroaci. Ai vazhdimisht i kishte shkuar te puna asaj dhe donte të niste një lidhje romantike me të, pavarësisht refuzimit të saj, raporti Index.

Por, situata mori kahe tjetër natën e 13 majit në Dubrovnik, kur shqiptari e sulmoi një 26-vjeçar, mik të vajzës, po ashtu shtetas i Bosnjës. Ai fillimisht e grushtoi në kokë e më pas duke kërcënuar se do ta vriste u përpoq ta therte në qafë. I dyshuari u ndalua nga një punonjës i restorantit.

Dy të tjerë u lënduan nga sulmi i të dyshuarit derisa po përpiqeshin ta ndalonin.