Shqiptari dhe e dashura 18-vjeçare greke kapen me heroinë

13:46 | 10 Korrik 2018
Arbresh.info

Një shqiptar dhe e dashura e tij greke u arrestuan nga policia italiane pasi u kapën me heroinë në makinë.

Shqiptari 21-vjeçar, emri i të cilit nuk bëhet i ditur, dhe vajza greke 18-vjeçare, u ndaluan në Bari të Italisë, ku kishin shkuar me traget. Ata udhëtonin me një makinë të vjetër brenda së cilës kishin fshehur 30 kilogramë heroinë.

Lënda narkotike ishte vendosur nëpër tavolina të vogla portabël prej druri, në bagazh dhe në pjesën e poshtme të sediljeve të makinës. Autoritetet italiane zbuluan në secilën prej tavolinave të mbyllura, 56 pako drogë, të futura në një hapësirë prej pak centimetrash.

Dy korrierët u arrestuan dhe u dërguan në burgun e Barit dhe Tranit. Ndërsa autoritetet italiane vijojnë hetimet për të zbuluar prejardhjen dhe destinacionin e drogës së kapur.