Janari ka hyrë me diell por i ftohtë. Sinoptikanët parashikojnë se fundjava do të sjell rritje të lehtë të temperaturave por edhe reshje dëbore në disa zona të Shqipërisë.

“Presim që e shtuna dhe e diela të kenë shtim të vranësirave në orët e pasdites, por duke gjeneruar reshje të pakta dëbore. Të shtunën në veri dhe verilindje ndërsa të dielën në të gjithë zonën lindore pritet të shtrihen reshjet e dëborës. Madje, priten flokë bore dhe në zonat malore jugore si Tepelenë, Përmet, Llogara, etj” – thotë sinoptikania Lajda Porja për Tv Klan.

Por ditët në vijim do të jenë të acarta. Temperaturat do të bien ndjeshëm.

“E hëna dhe e marta do të jenë ditët më të ftohta të javës. Do të kemi plot ditë të ftohta, temperaturat do të zbresin deri në -12 gradë në zonat malore. Parashikohet që kjo situatë të na shoqërojë deri në mes të javës” – thotë sinoptikania. I gjitha muaji janar parashikohet të jetë shumë i ftohtë por me pak reshje të cilat do të jenë kryesisht në formën e dëborës.