Shqipëri, 32 raste të reja me Covid-19 në 24 orët e fundit

17:52 | 22 Korrik 2021

Sërish ka pasur një rritje të rasteve me COVID në 24 orët e fundit, duke e çuar numrin e të infektuarve aktivë në 232.

Nga 3348 testime, nga të cilat kanë rezultuar pozitivë me Covid19, 34 qytetarë, 7 raste në Tiranë, 5 në Sarandë, nga 3 raste në Elbasan, Kukës, nga 2 raste në Has, Berat, Pogradec, Poliçan, Konispol, nga 1 rast në Durrës, Fier, Korçë, Lezhë, Shijak, Skrapar.

Në Spitalin Infektiv po marrin trajtim 5 pacientë, ndërsa nuk ka asnjë humbje jete gjatë 24 orëve.

Janë shëruar 12 qytetarë gjatë 24 orëve të fundit, duke e çuar numrin e të shëruarve në 130,109 që nga fillimi i epidemisë.

“Ministria e Shëndetësisë dhe Mbrojtjes Sociale ju bën apel qytetarëve të vaksinohen për t’u mbrojtur nga Covid19, në çdo qendër shëndetësore dhe pikë vaksinimi kudo në vend. Shfrytëzoni ditët e hapura të vaksinimit deri të dielën, për t’u vaksinuar pa kufizim, nëse jeni mbi 18 vjeç.
Ministria e Shëndetësisë ju rikujton të gjithë qytetarëve rëndësinë e zbatimit me përpikmëri të rregullave për parandalimin e COVID19 dhe apelon të mos neglizhoni asnjë shenjë të sëmundjes. Për çdo dyshim, kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127”, këshillon ministria.

Statistika (22 Korrik 2021)

Raste të reja ditore 34

Të shëruar në 24 orë 12

Të shtruar në spitale 5

Humbje jete në 24 orë 0

Testime ditore 3348

Testime totale 868,822

Raste pozitive 132,797

Raste të shëruara 130,109

Raste Aktive 232

Humbje jete 2,456

Shpërndarja gjeografike e rasteve aktive sipas qarqeve:

Tiranë 93
Vlorë 25
Durrës 22
Kukës 21
Elbasan 18
Shkodër 14
Lezhë 14
Fier 12
Korçë 7
Berat 5
Gjirokastër 1/tch

Shpërndaje në rrjete sociale

Lajmet më të lexuara