Ad Banner
Ad Banner
Ad Banner

Shkoi për t’u larë në lumë, mbytet 11-vjeçari në Librazhd

19:01 | 20 Gusht 2023
E.G

Një 11-vjeçar ka humbur jetën pasditen e sotme në fshatin Tokëz të Librazhdit të Shqipërisë.

Policia bën me dije se i mituri kishte shkuar për t’u larë në lumin Rrapun e fatkeqësisht është mbytur. Forcat blu bashkë me ato zjarrfikëse kanë bërë të mundur nxjerrjen e trupit të pajetë nga lumi.

Rreth orës 16:15, në fshatin Tokëz, shtetasi A. A., 11 vjeç, banues në Librazhd, dyshohet se është mbytur aksidentalisht duke u larë në lumin Rrapun.

Shërbimet e Policisë dhe të zjarrfikëses kanë shkuar në vendin e ngjarjes dhe kanë bërë të mundur nxjerrjen nga lumi, të trupit të pajetë të këtij shtetasi.

Grupi hetimor po punon për sqarimin e rrethanave të ngjarjes./tvklan.al

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm