Sherri mes disa të rinjsh në një lokal në qytetin e Vlorës ka sjellë plagosjen e njërit prej tyre.

Ngjarja ka ndodhur mëngjesin e kësaj të premteje në orën 08:33, në lagjen “Kushtrimi”.

Blutë e Vlorës bëjnë me dije se në një lokali ka ndodhur një konflikt verbal duke përfunduar në konflikt fizik.

Nga ky konflikt ka mbetur i dëmtuar, dyshohet me mjet prerës “thikë” shtetasi I.S, 18 vjeç, banues në Vlorë, i cili ndodhet në Spitalin Rajonal Vlorë jashtë rrezikut për jetën.

Shërbimet e policisë pas hetimeve të menjëhershme kanë bërë të mundur identifikimin, kapjen e autorit si dhe shoqërimin e tij në ambientet e Policisë Vlorë. Ndërkohë po kryhen veprimet proçeduriale për arrestimin e shtetasit Xh.A, 18 vjeç, banues në Vlorë.

Policia po punon për zbardhjen e ngjarjes dhe për sqarimin e rrethanave.