Reshjet e borës arrijnë në 30 centimentra në Korçë

09:29 | 30 Nëntor 2021

Korça është zgjuar e zbardhur këtë mëngjes, teksa reshjet e borës kanë vazhduar gjatë gjithë natës.

Nga informacionet e deri tanishme, mësohet se trashësia në Dardhë ka arritur në 30 centimetra, prej km të 7 e në vazhdim. Qarkullimi bëhet me zinxhirë. Ndërsa në Voskopojë, bora arrin deri në 10 centimetra.

Mbrëmjen e djeshme, katër mjete janë bllokuar në afërsi të Voskopojës por ndërhyrja e borëpastrueses dhe ndihma e qytetarëve me mjete të larta kanë hapur qarkullimin.

Të gjitha akset nacionale janë të hapura e të qarkullueshme pa probleme. /TCH/

Shpërndaje në rrjete sociale