Rama: Një hap i rëndësishëm – NATO certifikon Aviacionin Civil Shqiptar për vlefshmërinë ajrore

08:47 | 24 Korrik 2025
E.K

Kryeministri i Shqipërisë, Edi Rama ka njoftuar përmes një postimi në Facebook se Autoriteti i Aviacionit Civil i Shqipërisë është njohur zyrtarisht nga NATO për Vlefshmërinë Ajrore, duke përmbushur të gjitha standardet e kërkuara nga Aleanca e Atlantikut të Veriut.

Rama e cilësoi këtë një lajm të mirë për vendin dhe një dëshmi të qartë të përparimit të Shqipërisë në përmbushjen e kritereve ndërkombëtare në fushën e aviacionit.

“Mirëmëngjes dhe me lajmin e mirë se Autoriteti i Aviacionit Civil i Shqipërisë është njohur nga NATO për Vlefshmërinë Ajrore, duke përmbushur plotësisht standardet e përcaktuara nga Aleanca e Atlantikut, ju uroj një ditë të mbarë”, shkruan Kryeministri./Arbresh.info