Kryeministri i Shqipërisë, Edi Rama, ka nisur vizitën e tij zyrtare në Izrael, ku ndalesa e parë ka qenë Nova Site, një vend simbolik i kthyer në hapësirë reflektimi pas ngjarjeve tragjike që tronditën vendin.

Në një postim në Facebook, Rama e përshkroi Nova Site si “një vend që kumbon pa fjalë”, duke theksuar se mes humbjeve rrëqethëse, një pyll festash është shndërruar në një tempull reflektimi për jetën, urrejtjen dhe çmimin e paqes.

Kryeministri vuri në pah simbolikën e vendit dhe mesazhin që ai përcjell, duke nënvizuar rëndësinë e kujtesës, respektit për viktimat dhe domosdoshmërinë e paqes.

Postimi i plotë:

Nova Site, Izrael
Stacioni i parë në Izrael – një vend që kumbon pa fjalë
Mes humbjeve rrëqethëse, një pyll festash i kthyer në një tempull reflektimi për jetën, urrejtjen dhe çmimin e paqes