Rama me helikopter viziton zonat e përfshira nga zjarri, thotë se po punohet papushim në shuarjen

22:36 | 3 Gusht 2021

Kryeministri i Shqipërisë, Edi Rama ka vëzhguar nga helikopteri përpjekjet e ushtrisë dhe forcave emergjente për shuarjen e zjarrëve që kanë përfshirë disa pjesë të Shqipërisë.

Ai ka thënë se po vazhdojnë përpjekjet për shuarjen e zjarreve.

Rama i ka shprehur ngushëllime familjes së Andrea Haxhiaj, që humbi jetën nga zjarret.
“Vazhdojnë papushim me mundin e sakrificat e forcave të emergjencave civile e të atyre të ushtrisë, operacionet tejet të vështira të shuarjes së zjarreve, të cilat janë përhapur si epidemi në krejt vendet e Mesdheut e jo vetëm. Ngushëllime vëllazërore familjes së të ndjerit Andrea Haxhiaj, që sot fatkeqësisht humbi jetën në zjarrin e tërbuar që përfshiu zonën e Lunxhërisë në Gjirokastër…”, ka shkruar Rama./arbresh.info/

Shpërndaje në rrjete sociale

Lajmet më të lexuara