Rama kujton Fatos Nanon me një videokartolinë: Miku im i dikurshëm e i rigjetur sërish

08:25 | 1 Nëntor 2025
E.K

Një ditë pas ndarjes nga jeta të ish-kryeministrit Fatos Nano, Kryeministri Edi Rama ka shprehur ngushëllimet e tij përmes një videokartoline të publikuar në rrjete sociale.

Rama e përshkruan Nanon si mik të afërt, bashkëpunëtor të hershëm dhe një nga figurat më të rëndësishme në historinë e Partisë Socialiste dhe të politikës shqiptare.

“Mirëmëngjes, dhe me këtë videokartolinë lamtumire për liderin historik të socialistëve, mikun tim të dikurshëm e të rigjetur sërish, Fatos Nanon, i cili u nda nga jeta pas një lufte sfilitëse me sëmundjen, por që nuk do të ndahet asnjëherë nga kujtimet tona e nga vendi i nderit në historinë e familjes sonë të madhe, u përcjell të gjithë atyre që e patën kryetar, shok e mik, ngushëllimet e mia vëllazërore,” shkruan Rama.