Kryeministri i Shqipërisë, Edi Rama, ka shprehur solidarizimin e tij me gratë e prekura me kancerin e gjirit, duke shpërndarë një foto nga ndeshja miqësore e Shqipërisë me Bullgarinë.

Në foto është logoja e krijuar në fushë e stadiumit Air Albania nga fëmijët e veshur me bluza rozë, shkruan Arbresh.info.

Rama në rrjetin social Facebook, ka thënë se fuqia e futbollit është e jashtëzakonshme, teksa shtoi se është një mesazh domethënës nga fusha e gjelbër.

“E jashtëzakonshme fuqia e futbollit dhe kombëtares tonë në këtë vit fantastik futbollistik. Po aq i jashtëzakonshëm dhe ndërgjegjësimi për luftën ndaj kancerit të gjirit, me një mesazh domethënës nga fusha e gjelbër e Air Albania” , ka shkruar Rama

Kujtojmë se muaji tetor është muaji i ndërgjegjësimit për kancerin e gjirit, për të rritur vëmendjen dhe mbështetjen./Arbresh.info/