Prej pesë ditësh në gjendje kome, ndërron jetë kamarieri që u godit nga klienti

23:35 | 7 Tetor 2021
Trina Galanxhi

Ka ndërruar jetë në spital, Gazment Kurmaku, i cili u qëllua me thikë, pak ditë më parë nga një klient me emrin Erjon Llapushi.

Kurmaku nuk ka mundur dot t’i mbijetojë plagëve. Lajmi është konfirmuar nga vetë restoranti, përmes një postimi në facebook.

I gjithë debati nisi për një tavolinë të rezervuar në restorantin ku punonte 50-vjeçari.

Erjon Llapushi është autori, i cili kishte shkuar si klient në restorant, por 50-vjeçari që ishte në krye të detyrës si shef i kamarierëve e ka njoftuar se tavolina ku ishte ulur ishte e rezervuar.

Llapushi ka kundërshtuar dhe debati ka agravuar duke e goditur me grushte dhe sende të forta. 50-vjeçari ka rënë duke përplasur kokën me një pjesë betoni duke përfunduar në gjendje kome dhe ditën e sotme ndërroi jetë.