Policia thirrje qytetarëve që duan të udhëtojnë në Greqi: Kuota është plotësuar

09:32 | 30 Gusht 2020
Arbresh.info

Drejtoria Vendore e Kufirit dhe Migracionit Korçë vjen me një njoftim të rëndësishëm, në një kohë kur në pikën kufitare të Kapshticës është krijuar radhë e gjatë emigrantësh shqiptarë dhe mjetesh që duan të kalojnë drejt shtetit grek.

Nisur nga fakti se kuota ditore prej 300 personash u plotësua, Drejtoria e Kufirit pohoi se autoritetet greke kanë pezulluar punën dhe se sot nuk do të lejohet kalimi i personave të tjerë.

NJOFTIMI

Njoftojmë të gjithë qytetarët që janë të interesuar të kalojnë në drejtim të shtetit grek, se aktualisht kuota prej 300 shtetas është plotësuar dhe nga ana e policisë greke është pezulluar puna e nuk do të lejohet kalimi i personave të tjerë për ditën e sotme. Policia Kufitare apelon për qytetarët që duan të udhëtojnë në drejtim të Greqisë, që të mos vijojnë udhëtimin në drejtim të PKK Kapshticë për ditën e sotme.