Partia Demokratike e Shqipërisë ka paraqitur kërkesën për zhvillimin e protestës më 23 dhjetor 2024 në disa akse kryesore të Tiranës, përkatësisht në Unazën e Vogël, rreth rrotullimin te Zogu i Zi, ura afër xhamisë në Rrugën e Elbasanit, sheshi “Wilson” dhe nga pallati me shigjeta drejt Rrugës së Kavajës, nga ora 17:00 deri në 20:00.

Policia e Shtetit ka garantuar të drejtën për tubim dhe mbrojtjen e pjesëmarrësve, por ka theksuar se nuk do të lejojë bllokimin e akseve rrugore. Sipas Policisë, bllokimi i rrugëve është një vepër penale dhe do të ketë pasoja për ata që tentojnë të bllokojnë qarkullimin.

Për të siguruar lëvizjen e lirë të qytetarëve dhe automjeteve, Policia ka marrë masa për të devijuar qarkullimin në rrugë alternative, në rast të bllokimit të akseve rrugore.

Policia apelon për respektimin e ligjit dhe të drejtave të qytetarëve, duke siguruar që tubimet të mos ndikojnë në lëvizjen e lirë të qytetarëve dhe automjeteve.

/rtsh.al/