Qarku i Shkodrës erdhi vërtetë surprizë gjatë rezultateve të para të numërimit të votave për zgjedhjet parlamentare.

Partia Socialiste sundoi rezultatin në bastionin që ka votuar tradicionalisht djathtas. Vetëm me numërimin e më shumë se gjysmave të kutive, Partia Demokratike përmbysi rezultatin duke dalë forcë e parë politike në qarkun që është ngjyrosur gjithmonë blu.

Nga numërimi i 235 kutive nga 421 që janë në total për qarkun e Shkodrës, PD-ja merr 4 mandate, ose në vota 22.773. partia Socialiste e humb mandatin e pesë dhe mbetet në 4 deputetë, ose 22.375 vota.

Kështu, Nard Ndoka, kreu i Partia Demokristiane që garonte si kandidat i pesti në listën e PD-së në qarkun e Shkodrës, ja del të marrë mandatin. Megjithatë, janë ende për tu numëruar edhe 186 kuti.

1 mandat e ka Lëvizja Socialiste për Integrim me 7.269 vota.

Dhe mandatin e 11 në këtë qark e merr Tom Doshi, që në këto zgjedhje parlamentare, kandidoi nën siglën e PSD-së, partisë së Skënder Gjinushit, edhe pse e shprehu hapur mbështetjen për kryeministrin Edi Rama gjatë gjithë fushatës zgjedhore.

Parë në këtë këndvështrim, edhe me mandatin e Doshit, e majta dhe e djathta mbetet ‘barazim’ në Shkodër.