Pas daljes së Britanisë së Madhe nga Bashkimi Europian, pritet që Shqipëria të marrë mbështetjen e vazhdueshmë për anëtarësimin e plotë.

Shqipëria është një kandidate formale e anëtarësimit në BE, por procesi ishte ngadalësuar për shkak se shtetet anëtarë të BE-së nuk lejonin anëtarësimin e vendeve të reja në bllokun 28 anëtarësh, shkruan media angleze Daily Express, transmeton portali arbresh.info

Në vitin 2014 Shqipëria u bë një vend kandidat për anëtarësim në BE, por deri me tani nuk ka arritur të plotësonte një mori kërkesash të nevojshme për anëtarësim.

Pas zgjedhjeve të fundit, Jean-Claude Juncker ka theksuar se qeveria shqiptare ka marrë një mandate të qartë për të vazhduar reformat që ndihmojnë në arritjen e statusit të anëtarësimit të vendit në BE.

Në një letër drejtuar kryeministrit shqiptar, Edi Ramës, Presidenti i Komisionit Europian tha: “Unë mirëpres kapërcimet që keni arritur me opozitën, duke theksuar nevojën për të kapërcyer edhe kontrastet ndërpartiake dhe duke nënvizuar sfidat e përbashkëta përpara për Shqipërinë”.

“Shqipëria është partner i rëndësishëm i BE dhe rruga për BE kërkon dialog konstruktiv”, ka shtuar  Juncker.

Parlamenti Evropian ka hedhur poshtë dy herë anëtarësimin e plotë të Shqipërisë në Bashkimin Europian.

Në zgjedhjet e fundit, që janë parë me vëmendje edhe liderët e vendeve të BE-së, është bërë fushatë për një ‘biletë hyrëse’ brenda BE-së.

Sipas disa sondazheve besohet se 95 për qind e Shqiptarëve pajtohen se integrimi në BE është shumë i rëndësishëm për vendin./Arbresh.info