Xhuljano kishte zgjedhur të grabiturin si mënyrë jetesë për të jetuar, gjë e cila rezultoi fatale për të pas përplasjes së mëngjesit të djeshëm me armë më policinë.

I fiksuar pas makinave dhe motorave dhe i dashuruar me Kristinën që në moshë të vogël, ai pa ëndrrat e tij rinore mund t’i realizonte përmes grabitjes së pasurisë së të tjerëve, ndërsa mësohet se policia e Elbasanit e kishte skeduar edhe si të dyshuar për ngjarje të tjera vjedhjesh në zonë.

Xhuli, siç e thërrisnin të afërmit punonte në një lavazh, ndërkohë që shpesh përmes profilit të tij në Facebook jepte mesazhe të një jete ndryshe nga të rinjtë e tjerë.

Statusi më pikant i tij duket të jetë thënia që qarkullon mes të rinjve të sotëm: Paradite pushim, pasdite pa punë, natën pa gjumë.

Mësohet se babai i Xhuljanos ishte burgosur tre herë në Greqi me akuzën e vjedhjes dhe tani është gjithashtu pas hekurave për të njëjtin shkak.

Familjarë të afërm akuzojnë atë për “rrugën e keqe” të djalit duke theksuar se ai ishte rritur nga nëna dhe gjyshja.

Trupi i Xhuljanos është tërhequr gjatë pasdites së djeshme nga morgu prej xhaxhait të tij, ndërsa sot kryeht cerëmonia mortore në vendin e tij të lindjes.

Tentativa e dështuar për grabitje gjatë ditës së djeshme tronditi opinionin publik shqiptar duke rikthyer edhe njëherë pasigurinë tek qytetarët.

Katër persona tentuan të futeshin në shtëpinë e dy të moshuarëve në Fier me qëllim grabitjen, por policia ia behu shumë shpejt aty, ndërsa keqbërësit nuk kursyen plumbat ndaj tyre. Nga shkëmbimi i zjarrit mbeti i vrarë Xhuljano Sollaku, ndërsa u plagos Arben Muça me banim në Durrës.

Policia dyshon edhe pjestar të tjerë të grupit ishin vëllai i Muçës dhe një person tjetër nga Elbasani. /albeu.com/