Është normalizuar situata në pikën kufitare të Kapshticës ku prej ditësh qytetarët shqiptarë vijonin të bllokuar, duke krijuar situata tensionuese dhe bllokim të qarkullimit.

Burime për abcnews.al bëjnë me dije se pas 12 orësh tashmë situata po shkon drejt normalizimit dhe se në kufi po kalojnë qindra qytetarë.

Prej ditësh mijëra qytetarë shqiptarë prisnin për të kaluar në pikë Kufitare në Kapshticë.

Radhët në këtë kufi arritën deri në 3 km, ndërsa qytetarët u detyruar të prisnin në radhë dhe pa asnjë informacion.

Lexo edhe: Shkurtohet radha e makinave në Kapshticë, pala greke nisi punën me 4 sportele

Ndërkohë pas situatës së krijuar kaotike pala greke njoftoi për shtim të sporteleve e cila filloi të punonte me katër sportele për të bërë të mundur përshpejtimin e procedurave.