Një fermeri në Lushnjë ia hëngri ujku 40 krerë dele dhe dhi

18:19 | 21 Shtator 2025
E.G

Një ngjarje e rëndë ka ndodhur në fshatin Karbunarë e Vogël në Lushnje, ku një ujk ka shkaktuar dëme të mëdha në një fermë.

Pronari i fermës, Namik Sinani, ka bërë të ditur se nga 80 kokë dhi edhe dele, 40 i ka ngrënë ujku, ndërsa pjesa tjetër janë pjesërisht të lënduara.

Sipas blegtorit, sulmi ka ndodhur rreth orës 03:30 të mëngjesit. Sinani mendoi se në fermëë kishin hyrë hajdutët, por kur shkoi tek bagëtitë ka parë ujkun.

Sipas Top Channel, blegtori kërkon ndihmë nga shteti për kompesimin e tufës së bagëtive.

Banorët e Karbunarës iu tremben sulmeve të kopeve të ujqërve pasi ata prej kohësh hyjnë natën në qendrat e banuara. Pylli i “Zgjanës” pranë fshatit është streha e ujqërve, numri i të cilëve është shtuar shumë vitet e fundit.