Ministrja e Drejtësisë në Shqipëri, Etilda Gjonaj ka thënë se sot ka filluar vaksinimi anti-COVID në burgje.

Gjonaj përmes një statusi në rrjetin social në Facebook ka shkruar se vaksinimi ka filluar për kategoritë e të burgosurve me sëmundje kronike dhe atyre mbi 55 vjeç.

“Me mbështetjen e Ministrisë së Shëndetësisë dhe Mbrojtjes Sociale dhe strukturat e saj shëndetësore filloi vaksinimi kundër Covid-19 të personave të dënuar. Vaksinimi ka filluar në IEVP “Jordan Misja” për kategoritë e të burgosurve me sëmundje kronike dhe atyre mbi 55 vjeç dhe në IEVP “Ali Demi” për gratë e dënuara. Ky proces i sapofilluar pas vaksinimit të trupës policore, do të vijojë për të mundësuar edhe më tej lehtësimin e masave për t’iu kthyer normalitetit në institucione. Kujtojmë që më herët, në sistemi e burgjeve janë vaksinuar edhe trupa policore dhe stafi civil”, ka shkruar Gjonaj.