Nis mbledhja e Këshillit Politik për “Zgjedhoren”, mbërrijnë bashkëkryetarët

19:22 | 31 Maj 2020

Takimi i sotëm i Këshillit Politik për reformën zgjedhore, i cili u shty me 2 orë, ka nisur tashmë.

Të parët që janë futur në ambientet e Pallatit të kongreseve kanë qenë Oerd Bylykbashki dhe Petrit Vasili.

Sot është afati i fundit për të cilin palët janë angazhuar ta përmbyllin atë.

Ndërkohë, sipas burimeve, deri në minutat e fundit ambasadorët kryesore kanë qenë në kontakt me të dyja palët.

Fryma është më pozitive, por ende nuk ka një marrëveshje.

Këshilli Politik diskutoi pasditen e djeshme për 4 orë me radhë çështjet e mbetura pezull.

Opozita nuk mori konsensusin e mazhorancës për të futur identifikimin biometrik të zgjedhësve në të gjitha qendrat e votimit.

Dakordësi nuk kanë gjetur as për administrimin zgjedhor.

Deri më tani PD-PS kanë rënë dakord për çështjen e rifinancimit të partive, kuotave gjinore, dhe periudhës se kur do të zhvillohen zgjedhjet.

 

Lajmet më të lexuara