“Në asnjë fshat nuk ngrihet flamuri i ISIS”

Image processed by CodeCarvings Piczard ### FREE Community Edition ### on 2017-01-16 14:39:32Z | http://piczard.com | http://codecarvings.com

18:22 | 16 Janar 2017
Trina Galanxhi

Ministri i Brendshëm Saimir Tahiri reagoi pas artikullit të së përditshmes italiane “La Republica” të Barit, sipas se cilës disa fshatra të Shqipërisë janë si fuçi baruti për terrorizmin.

Përmes një letre drejtuar kësaj gazete, ministri kërkon përgënjeshtrim e lajmit, si dhe thekson se nuk ka asnjë fshat ku ngrihet flamuri i ISIS.

Sipas Tahirit, artikulli nxit mosbesimin mes partnerëve në luftën e përbashkët kundër terrorizmit.

Gazetarët italiane kanë shkruar artikullin pa marrë një informacion zyrtar nga autoritetet shqiptare thotë ministri. “Për fat të keq, kjo nuk është hera e parë që ndodh, duke cenuar imazhin e Shqipërisë në sytë e lexuesit italian, por shpresoj shumë të jetë e fundit”shprehet Tahiri në letrën e tij.