Ndërron jetë gazetari i mirënjohur, Lek Plani

22:30 | 23 Dhjetor 2020
Arbresh.info

Gazetari i mirënjohur i Radio Shkodrës, TVSH, Deutsche Welle në shqip, si dhe i mediave lokale Lek Plani ka ndërruar jetë sot, ndërkohë që prej disa ditësh ai ishte infektuar me covid.

Për mbi 30 vite, Plani ishte pjesë e medias së shkruar dhe asaj vizive duke punuar për televizionin shtetëror, për Deutsche Welle në shqip, si dhe i mediave lokale në Shkodër.

Lekë Plani ishte edhe një instrumentist i njohur në qytetin e Shkodrës e ka marrë pjesë në aktivitetet artistike.

Ka qenë miku i tij, gazetari Gasper Marku i cili ka ndarë lajmin e trishtë:

Lajm tronditës! Sapo më njoftuan, se gazetari i mirënjohur i Radio Shkodrës, TVSH, Deutsche Welle në shqip, si dhe i mediave lokale Lek Plani, ndërroi jetë në Tiranë. Për orarin e ceremonisë së varrimit do të njoftohet në një moment të dytë.
Ngushëllime familjes “Plani”, pushofsh më paqe, kolegu, shoku, miku ynë i mirë, Leka!/tch