Mot i keq në Durrës e Vlorë, paralizohet puna në dy portet

11:39 | 7 Mars 2017

Moti i keq me erëra të forta, reshje të dendura shiu dhe breshëri, ka krijuar dallgë të mëdha, duke paralizuar lundrimin e mjeteve detare, në portin e Vlorës e atë të Durrësit.

Burime nga kapitaneria e portit të Durrësit, thanë se dy tragetet e planifikuar kane ardhur ne kohe, duke mos pasur vonesa te theksuara.

Situata e përkeqësuar e motit ne fakt ka bërë që të pezullohet puna në sektorin e ngarkim-shkarkimit dhe peshkimit.

Në kalatat e portit janë ankoruar disa anije, të cilat janë detyruar të mbyllin hambarët, deri ne përmirësimin e kushteve atmosferike.

Në Vlorë mësohet se si pasojë e dallgëve të mëdha është shtyrë ankorimi në port i tragetit Brindisi-Vlorë./mapo.al

Shpërndaje në rrjete sociale

Lajmet më të lexuara