Kryeministri Edi Rama ndihet i lehtësuar pas emetimit të eurobondit, ku Shqipëria arriti të marrë në tregjet ndërkombëtare 650 milionë euro borxh me një normë interesi prej 3.65% dhe afat maturimi 7 vjeçar.

Në Konferencën për shtyp me ministrat Arben Ahmetaj dhe Anila Denaj organizuar mesditën e sotme, Kryeministri e quajti “sukses të jashtëzakonshëm” dhe “një vlerësim për librin e llogarive të një shteti të besueshëm”.

Rama tha se eurobondi është “bazë që përfundimisht konsolidon planin tonë të ri kombëtar “Shqipëria 2030” dhe nuk la pa komentuar akuzat e PD-se

Edi Rama: “Në formën e një fluturumi të një balone tabake PD flet për gëzim pse morëm borxh, ndërkohë që duhet të hidhëroheshin, por nuk është kështu është e kundërta. Ne kemi marrë konfirmim nga tregjet, që në radhë të parë na bën një vend të besueshëm në raport me institucionet financiare ndërkombëtare dhe na jep mundësi të zgjerojmë bazën e financimit të ekonomisë. Për ata që thonë hë mo se borxh morët çdo njeri e di se nuk mjafton të duash të marrësh borxh por të gjesh dhe atë që të jep borxhin dhe kjo bazohet në dokumente. Dolëm me një objektiv dhe na u ofrua 4.8 herë më shumë. Si mund ti ofrohen një kredimarrësi të pabesueshëm ose jo solid këtë shumë. Përgjigjja është e qartë. Shteti shqiptar është i besueshëm”.

Në mbyllje të fjalës së tij për tia kaluar fjalën ministrave kryeministri u shpreh I lumtur për bashkëpunimin me ministrat.

Edi Rama: “Nëse Shqipëria nuk do të kishte këtë paraqitje të parametrave dhe treguesve makroekonomikë do ta kishin goditur në vlerësimin e tregjeve. Jam shumë I lumtur me bashkëpunimin e ministrave”./oranews