Meta: Mbetem me shpresë që Qeveria Kurti të jetë shembull për rajonin

12:21 | 11 Shkurt 2020
Arbresh.info

Pas takimit dhe konferencës së përbashkët me kryeministrin e Shqipërisë, Edi Rama, kryeministri i Kosovës, Albin Kurti takimin e radhës e ka pasur me Presidentin e Republikës së Shqipërisë, Ilir Meta në Presidencë, shkruan arbresh.info.

Meta i uroi suksese Kurtit për marrjen e detyrës së re, ndërsa shtoi se mbetet me shpresë që Qeveria Kurti të jetë shembull për rajonin.

“Është kënaqësi e veçantë. Ju uroj suksese. Mbetem me shumë shpresë që Qeveria Kurti do të shfrytëzoj të gjitha mundësitë që të jetë shembull për rajonin” ,tha Meta.

Kurti tha se duan ta shtojnë bashkëpunimin me Shqipërinë.

“Ka aq shumë fusha ku edhe mund të realizojmë marrëveshjet e nënshkruara por edhe pse jo të ketë edhe të reja”, tha Kurti./arbresh.info