Një ngjarje e rëndë ka ndodhur në Itali këtë të enjte, ku një 49-vjeçar shqiptar me profesion avokat është gjetur i vdekur.

Mediat italiane raportojnë se ai është gjetur i vdekur në mes të rrugës në vendin e quajtur Vicolo delle Rose në Trieste të Italisë.

Avokati e kishte fytin të prerë, ndërsa në dorë autoritetet i kanë gjetur një thikë.

Shqiptari ishte i martuar dhe kishte dy fëmijë, ndërsa mësohet se vuante nga depresioni.

Pranë vendit të ngjarjes u gjet edhe një makinë. Ende nuk janë zbardhur shkaqet e ngjarjes së rëndë, nëse është vetëvrasje apo nëse dikush tjetër e ka vrarë.

Do te jenë kamerat e sigurisë ato që do të hedhin dritë mbi ngjarjen.

Aineo Redo ishte një avokat i specializuar në ligjin e imigracionit. Ai mbërriti në Itali në vitin 1996 dhe u diplomua në Universitetin e Parmës, njofton TCH.