Ad Banner
Ad Banner
Ad Banner
Ad Banner

Mbërrijnë në KZAZ kutitë e votimit për kryetarin e ri të Himarës

21:43 | 4 Gusht 2024
E.G

Pas përfundimit të orarit të votimit për zgjedhjet e pjesshme për Kryetarin e Bashkisë Himarë, dhe mbylljen e të gjithë qendrave të votimit, kutitë e votimit kanë mbërritur në KZAZ.

23 mijë qytetarë ishin në listat zgjedhore, por më shumë se 6 mijë nuk e ushtruan të drejtën për të votuar, pasi mjetet e tyre të identifikimit kishin skaduar.

Procesi i votimit në 36 qendrat e votimit gjatë ditës së sotme vijoi qetë, ndërkohë që zgjedhësit janë identifikuar elektronikisht.

Për zgjedhjet e pjesshme për kryetarin e bashkisë së Himarës gara zhvillohej mes kandidatit Vangjel Tavo nga PS dhe Petro Gjikuria nga koalicioni “Bashkë Fitojmë”.

Nga informacionet dhe të dhënat e raportuara, pjesëmarrja në zgjedhje rezulton 36.9%.

Gjithashtu edhe sistemi identifikimi elektronik ishte i suksesshëm.

/rtsh.al/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm