Kryeministri i Shqipërisë, Edi Rama është ndalur sërish te fenomeni i lirimin e hapësirave publike.

Në një bashkëbisedim me ndjekësit në rrjetet sociale, teksa tha se kjo nismë nuk është sulm ndaj sipërmarrësve, Rama njoftoi se po përgatitet një rregullore kombëtare që do të vendosë qartë kufijtë dhe do të japë qartë hapësirat e lirisë.

“Ky nuk është sulm ndaj aktivitetit sipërmarrës, po përgatisim një rregullore kombëtare që do të vendosë qartë kufijtë dhe do të japë qartë hapësirat e lirisë. Çfarë është e përbashkët, është e paprekshme. Çarë i takon të gjithëve bashkë, nuk mund të jetë pre e sulmit të dikujt që merr guximin që të behet gllabërues dhe plaçkitës.. Në fund kam edhe elementin e teknologjisë. Shqipëria ka bërë progress të jashtëzakonshëm dhe para pak ditësh, një nga institutet më prestigjioze në botë të qeverisjes, të matjes së parametrave të qeverisjes, e përcaktoi Shqipërinë si një nga yjet në ngjitje të hapësirës evropiane së bashku me 4 vende të tjera për reformat dhe transformimin. Shqipëria është diçka krejt tjetër, e tregojnë shumë gjëra. Teknologjia do të na ndihmojë në këtë fazë, që siç kemi kaluar te faza ku të gjithë ngrini llaç e ngrinin mure, kalojmë te faza që s’do të ketë më. Teknologjia do të na çlirojë nga ky fenomen ”, tha Rama./rtsh