Kryetarja e LSI-së, Monika Kryemadhi ka reaguar për mbrojtjen e godinës së Teatrit Kombëtar. Kryemadhi u bën thirrje qytetarëve që të ngrihen për të mbrojtur godinën dhe vlerat e qytetarisë.

Në mesazhin e saj, Kryemadhi pranon se ka jo pak gjëra për të kritikuar në punën e opozitës, por mbrojta e Teatrit Kombëtar është një detyrë kombëtare.

” Aksioni opozitar për çështjen e Teatrit do të vazhdojë pa ndalim! Ne e dimë që kemi shumë gjëra për të kritikuar në punën tonë, por pa dyshim jemi në një proces përmirësimi të pandalshëm, që po ia lëkund shtyllat e pushtetit, të ndërtuar dhe mbajtur me paratë e drogës dhe krimit, Edi Ramës”,- shprehet Monika Kryemadhi.

Mesazhi Monika Kryemadhit:

“Asnjë hap prapa, të mbrojmë teatrin nga hajdutët e qeverisë!

Opozita ka qenë që në fillim në mbështetje të kërkesave të artistëve, edhe pse çështja e Teatrit Kombëtar është çështje me përmasa kombëtare dhe nuk mjafton vetëm protesta e artistëve.

Të ndërtosh kulla atje, ku për dhjetëra e dhjetëra vite është prodhuar kulturë, është arrogancë me çmim të lartë, çmim që sot e paguajmë të gjithë së bashku.

Aksioni opozitar për çështjen e Teatrit do të vazhdojë pa ndalim!

Ne e dimë që kemi shumë gjëra për të kritikuar në punën tonë, por pa dyshim jemi në një proces përmirësimi të pandalshëm, që po ia lëkund shtyllat e pushtetit, të ndërtuar dhe mbajtur me paratë e drogës dhe krimit, Edi Ramës.

Ne jemi alternativa e re për të zëvendësuar këtë pushtet të zhytur në krim e korrupsion. Dhe për këtë partnerët tanë janë qytetarët e ndershëm të të gjithë Shqipërisë, pa dallime partiake, pasi Shqipëria është mbi të gjitha. Krimi e droga janë fatkeqësia jonë dhe e fëmijëve tanë! Ndaj sa më shpejt të ndodhë rokada e pushtetit, aq më të mbrojtur janë fëmijët e shqiptarëve nga droga dhe krimi”.