I nxehti afrikan nuk ka mbaruar ende, zbuloni si parashikohet moti për fundjavë

22:05 | 15 Gusht 2019
Trina Galanxhi

I nxehti afrikan preku dhe vendin tonë ditët e fundit, duke bërë që orët e mesditës të ishin të papërballueshme.

Dy ditët e fundit u njoftuan vranësira dhe ulje temperaturash me disa gradë, por mos u gëzoni sepse vera e nxehtë s’ka mbaruar ende.“Dita e premte, si edhe fundjava paraqiten në ndikimin e motit të kthjellët dhe vranësirave të shpeshta, më të dukshme në zonat malore.

Parashikohet që edhe java tjetër të jetë në ndikimin e motit të kthjellët duke qenë se priten sërish masa ajrore me origjinë Afrikane.

Temperaturat e ajrit do të vijojnë rritje graduale në të dy vlerat termike ditore duke bërë që termometri të shënojë në fundjavë nga 10⁰C mëngjesi deri në 35⁰C mesdita.”- shkruan MeteoAlb.al.

Ditët e fundit temperaturat ekstreme kanë shkaktuar edhe zjarre në disa qytete dhe duket se situata do të vështirësohet